زمان و احناا صغيرين كانوا بيعلمونا اننا لازم نحس بالشفقة تجاه الناس اللى بتعانى..و ان الاحساس با شفقة بيخللينا بنى آدمين أحسن..و فضلت فاكر كده لحد ما تميت 28سنة من 20 يوم بس.. يومها اكتشفت حقيقة عن نفسى ما قدرتش أنكرها..اكتشفت ان فيه حته جوايا بتحس باحتقار لاحساس الشفقة حتى لو كانت شفقة عليا انا شخصيا...و ده طبعا تزامن مع اكتشافى ان كل الناس تقريبا بما فيهم انا حاسسين انهم شهداء و مظلومين وضايعين فى مصر اللى بقت ضيقه فعلا..شهداء ايه و مظلومين ايه و ضحايا ايه...المصريين اللى هما احنا لا شهدا ولا مظلومين ولابعد ضحايا..احنا شعب و انا منهم حاسس بدونية و غضب و عدمية لحد بعد بكره...و من جوانا فيه عنطزه كدابه و عنصريه مفرطة تجاه كل حاجه و كل حد..احنا شعب بيكره السود و الشقر و الآسيويين و الستات و الآخر المجهول عموما..و كلنا بنحتقر بعض و بنكره ان حد فينا يحصل على اى مساحة من أى نوع... و نفسية المصريين دى حاتودى لطريق من الاتنين...فاشية مصرية أصيلة...أو اصولية دينية اصيلة...و فى الحالتين مافيش غير الخرااااب يا معلمين...الخراب اللى نستحقه عن جداره لأننا بذلنا مجهود حقيقى عشان نوصل له..بس .. خلاص
ليست هناك تعليقات:
إرسال تعليق